Comezamos a ruta no concello de Montederramo, visitando o mosteiro cisterciense de Santa María de Montederramo, un dos monumentos renacentistas máis importantes de Galicia. Como patrimonio histórico tamén podemos visitar o cruceiro de pedra de Marrubio, a ponte de Vilariño Frío e outras arquitecturas relixiosas como o peto das ánimas de Vilariño Frío, os cruceiros de pedra de San Xoán de Chas e Santiago da Medorra, así como diversas igrexas parroquiais.

Neste mesmo concello tamén se poden facer dúas rutas de sendeirismo, a Ruta do Santo e a Ruta do Bidueiral.

Comezamos o día no pobo de Castro Caldelas. Visita ao Castelo e os seus arredores, onde destacan a Praza de Pardo, a Igrexa de Santa Isabel e o Santuario da Nosa Señora dos Remedios.

O Castelo foi propiedade da Casa de Alba ata finais do século XX. Sol Stuart, parente dos duques de Alba, viviu nel ata mediados do século XIX, que en 1992 cederon en usufruto os duques de Alba ao concello de Castro Candelas para uso cultural ou benéfico.

O concello ten situado na fortaleza un centro cultural que dá servizo a toda a comarca, composto por unha biblioteca, unha sala de conferencias, unha sala de exposicións e un museo etnográfico.

Comezamos a ruta visitando Viana do Bolo, un territorio coñecido polo seu famoso Entroido e pola súa paisaxe, na que o canón do río Bibei contrasta con altas montañas como a Pena Trevinca, considerada “o teito de Galicia”.

Na propia vila podemos visitar a Torre da Homenaxe, de 32,7 metros de altura e desde a que podemos conseguir unhas incribles vistas. Nela está o Museo Etnográfico de Viana do Bolo.

Tamén podemos camiñar polo centro histórico, enriba dun pequeno promontorio, descubrindo o Cabo da Vila, o seu barrio máis antigo, e a Praza Maior.

Recomendamos comezar a visita cun percorrido pola vila da Pobra de Trives. Comenzamos esta ruta moi preto do concello onde se atopa o antigo colexio Santa Leonor, a oficina de turismo e o Centro de Interpretación Histórico – Cultural e o Museo da Escola e a Infancia.

Son moitos os edificios con historia que podemos atopar no noso percorrido, como o Antigo Casino ou o Pazo do Marqués do século XIX ou a Casa Grande de Trives, unha casa de campo co emblema de armas dos Quiroga, Gaioso e Domínguez e o Pazo de Casanova.

Percorrendo as rúas atoparemos as prazas do Grifo e O Pilón, así como a icona desta Vila, que é A Torre do Reloxo, na praza do mesmo nome.

Para rematar este percorrido, podemos visitar Trives Vello, unha estrada local de 0,5 quilómetros de lonxitude que nos leva a este interesante lugar onde varios autores sitúan alí o pazo romano de Nemetóbriga e na volta tomamos unha merenda nos numerosos bares e restaurantes da Vila.

Comezamos esta ruta visitando o Mosteiro beneditino de Santa Cristina, que conserva en toda a súa pureza os elementos arquitectónicos da súa primeira construción románica, sobre todo na igrexa e na torre do campanario. Está parcialmente restaurado sen alterar a súa esencia.

A continuación, imos á Casa-Museo da Fábrica de Chocolate, único museo do chocolate de Galicia. Nela descubriremos as máquinas cedidas pola familia Casares, familia que durante un século fabricou chocolate no mesmo edificio.