Amarelante

HISTORIA

Amarelante Sociedade Cooperativa Galega xorde no ano 2013 cun obxectivo claro: a recuperación de castiñeiras abandonadas para a produción de castaña, apostando por darlle un valor engadido a través de produtos elaborados. Detrás desta gran declaración de intencións estamos Sonia, Óscar, Marcos, Natalia, Félix, Davide, Iria, Lito e Luz, o nove socios e socias aos que nos chamaron “tolos”, “idealistas” ou “utópicos” cando empezamos a nosa particular aventura entre castiñeiros.

A nosa base de operacións é Manzaneda, un concello que cumpría con todos o noso nosos requisitos: centos de castiñeiros “a monte”, unha poboación envellecida que non pode atendelos e a necesidade urxente de ofrecer alternativas reais das que vivir (non sobrevivir) no rural. Porque quizais si somos un pouco idealistas pero estamos convencidos de todo o seu potencial e de que o noso proxecto pode ser unha ferramenta de transformación social que vai moito máis alá de recoller castañas.

E aí seguimos… soñando nos soutos (a pesar da burocracia, o chancro dos castiñeiros ou a avispilla). Apostamos por produtos naturais e de calidade!