Parada de Sil
Cando se fala do territorio da Silbina, Parada de Sil é unha visita obrigada pola súa paisaxe, miradoiros e rico patrimonio.
Comezamos esta ruta visitando o Mosteiro beneditino de Santa Cristina, que conserva en toda a súa pureza os elementos arquitectónicos da súa primeira construción románica, sobre todo na igrexa e na torre do campanario. Está parcialmente restaurado sen alterar a súa esencia.
A continuación, imos á Casa-Museo da Fábrica de Chocolate, único museo do chocolate de Galicia. Nela descubriremos as máquinas cedidas pola familia Casares, familia que durante un século fabricou chocolate no mesmo edificio.
Unha vez vistas estas dúas construcións de épocas totalmente diferentes, é o momento de admirar a paisaxe do canón. Para iso recomendamos achegarse a algún dos miradoiros desta ruta:
- Miradoiro Pena da Cividade
- Miradoiro do Picotiño
- Miradoiro de Cabezoás
- Miradoiro del Xuguiño O Chao de Madeiros
Engadimos ao percorrido a Necrópole de San Víctor, conxunto arqueolóxico con restos dunha capela medieval e unha necrópole e a Ponte de Conceliñas, ponte medieval, e de posible orixe romana.
Na Fábrica da Luz contamos co Centro BTT Ribeira Sacra que, ademais de prestarnos os servizos necesarios para os amantes da BTT, conta con cinco rutas circulares e 110 quilómetros de diferentes niveis de dificultade perfectamente sinalizados. Os sendeiristas tamén poden gozar de dúas rutas, a Ruta dos Castiñeiros e Carriozas (PRG98) e a Ruta do Mao (PRG 177).
Esta ruta ao corazón da Ribeira Sacra non podía rematar sen o viño, que tan presente está nesta paisaxe. P
Proponemos visitar as adegas:
E aínda que non se trata dunha adega, propoñémosche visitar a un atrevido produtor que centra a súa actividade na elaboración artesanal de Licor Café de gran calidade, ademais doutros augardentes e cervexa artesá, Ecos da Pedra, que complementa a elaboración destes produtos con actividades culturais como concertos.
