Touza Vella
HISTORIA
Ante todo queremos que nos coñezades e para iso imos presentarnos. Somos Jorge e Rocío, dous amantes do rural que decidimos crear “Como cabras” para dar renda solta á nosa paixón polos animais e a artesanía.
En 2004 decidimos iniciar este proxecto cambiando a vida urbana e o trafego de Madrid pola tranquilidade da aldea en Galicia.
O que por aquel entón era unha ilusión, hoxe en día é unha traxectoria que nos permitiu cumprir o noso soño. Vivimos na granxa coas nosas dúas fillas e as nosas cabras onde día a día facemos queixos con entusiasmo, empeño e agarimo.
Aos poucos habemos ir crecendo, creando distintas variedades de queixos e chegando a vós. O mundo evoluciona e nós queremos ir ao seu ritmo por iso pomos á vosa disposición os nosos produtos a través da nosa tenda online.
Ao longo destes anos recibimos varias medallas no concurso por excelencia da industria quesera, os World Cheese Awards. Esta satisfacción anímanos a seguir asumindo novos retos para o futuro.
Convidámosvos a visitar a nosa granxa e a gozar aprendendo sobre a cultura do queixo.
